Kubui de Christian hwnmani Bristish Engraji rok tubumani ??
Kwbangma chini borokrokni bisingo salai-o haiya kheba kok banglai-o Christian hwnmano twiwi.....
Chini Tipura Haaste o simi ya , phiya Bharat Haakotor gwnangwi salai-o je Christian ; Bristish Amal o Bharat/India Haakotor o tubujakma se hwnwi . Engraji sanai borok rok se tubu-o hwnwi .
Hakhe abo kok kubui de Biritish ( 1600 A.D - 1945 A.D ) rok Christian Hwnmano Chini o Haa o tubui Phaikha ??, hakhe tabuk erwi thangbai kha .
Chwng saui mano British Engraji rok Bharat Haa kotor o 1600 A.D ni simi hapbwi tongphainani chengkha , hakhe bohrok tonglang phuru da Christian Church/Motha rok chengwi swnam klangbai kha ?
Ehe bohrok (British rok ) Christian no o Haa o tubu ya , O haa o Christian tubunai Borok Khoroksa .
British rok Phaya sini kusung-kusung bisi swkangno Christian no o Haa-o Borok khoroksa tubui phaijak .
Tini swrai - swrai wngdi , je chini o Haa-o Bristish rok se Christian tubunai hwnwi sanai rok ,
tangwi hwnmale Christian phaimani 52. A.D o no o Haa Bharat o phaijak Khoroksa ni bisingtwi .
Abo sabo hwnmale JISU Khristo ni Sagri Thoma ( Thomas) ,
JISU bini Sagri rokno jephuru 33. A.D , Bo Chukna Haa-o kasaui thangna swkang saui kwlang kheno . ( Aboni bagwi thangdi , swngchar gwnangwi bebak borokni thani thangwi ani borokno ani sagri swnamdi....... MATHAI-28:19 ) . Omo dagi jagwi JISU ni sagri khorok nwichi (12) rok pirsa jagwi Swngchar ni Haa Kotor -kotor o thangwi JISU daigma hai Kothoma kaham no pirwi JISU ni sagri ( Christian ) swnamkha . Aboni bisingo THOMAS India o phaikha Sirya twi khe 52. A.D o
Kerala Hasste o phaiwi Christian Colony swnamkha , aa jora o kwbangma borok JISU no yachagwi Christian wngbaikha . aboni yagulo THOMAS 72. A.D o Madras , Chennai , Tamil nadu o thangkha aro bo kothoma kaham pirwi kwbangma JISU no yachagwi Christian wngkha .
Aboni bagwi Christian Bristish rok tubuya , Phiya JISU ni sagri se tubu-o .
No comments:
Post a Comment