Khristan hwnmani tamo ?

The purpose of being Christian Part – 2

Q. Puila Bahai khe “ Khristan “  hwnwi hwnjak kha ?

Bible – “ Bo ( Barnaba) bono (Sol/pol)  nuk khe  Antiok-o tubu kha . Nokha bisa khrangsa khe o khoroknwirok motha bai thansa khe tongwi borok kwbangmano phrwng kha . O Antiok-o-no poito khlainairok puila Khristian/ Christian hwnjak gra-o “ (SAMUNG-11:26)
     Antiok ( Greek haa , Siria / siriya , Rum ni bisingo klai-o) , Jephuru Barnaba by Pol aa Antiok aguli(city) o kothoma kaham pirmani bisingtwi kwbangma borok Jisu no yachak kha tei bohrok paal kwbangma wngkha khristo no poito khlainai rok  , aphuru a aguli ni borokrok bohrokno
( poito khlainai rok / Sagri rok ) nugui ; tongmung , chammung , samung , tei
  poito rokno nugui “ Omo rok Khristan se bla “ hwnlai kha…. Aphuru ni simi no Khristan/Christian hwnwi phaijakha .

Q. “Khristan “ hwnmani tamo ? Bwmotwi ?

Khristan hwnmani ; Khristo no rwktharmai tei poito khlainai , Khristo Jisu ni yapiri no rwknai .

Bible –
“ Aboni bagwi se Kaitor nohrokno ring-o ; tamni hwnba nohrokbo bini yaprino rwkna twi khe Khristo sakphang-no nhrokni bagwi satokjagwi phunuk lang kha “ (1PITOR-2:21)

Tabuk Christian bwmotwi ? Bwbo hai ?
  1. Saui mankha Khristo no rwktharnai .
  2. Achai kwtal achaijak.
  3. Kaitor ni Bwsa.

Achai kwtal Achaijak :
Bible - “ Jisu hai hwnwi sa kha , ‘ Ang nono soi-no kubui kok sa-o , twi bai Phola bai chai yak he kebo phano kaitorni ha-o habwi manya .
Bahan bwthwini achainai borok bo bahan bwthwini , Pholani achainai borok bo Kaitorni borok. ( JOHON-3:3,4)
 
“ Nohrok Kaitorni tong phlainai kok kwthang bai achai phi kha , hakhe nohrokni Pha thwiblang ya , bo wngkha thangblang se .” (1PITOR-1:23)

“ Khoroksa phano Khristo bai thansa wng khe-no bo borok kwtal wngkha ; kwcham thangwi kwtal phai sokphai-o “ (2KORINTH-5:17)

Kaitor ni bwsa :
Bible –
“ Tamo khe bono poito khlaiwi yachak soknairokno , bini mungno poito khlainairokno bo Kaitor ni bwsa wng rw kha “

Q. Khristan  tamo Dharma / Religion de ?

- Dictionary o swimani khe “ borokni kaisa Poito tei samung , abo kwbangma borok bodol rok ni naharmung.

Aw borokrok ni poito tei samung , tei naharmung .

- Kwbangma Okra-Chakra rok samani “ Borokni Poito by Chukno-Haa ( Kaitor ni aro thangnani Lama ) o thangnani bagwi lama khur laimani “

Swngchar-o Achai khe no Dharma khlaina nango , ama ni bohok-o tongphuru ni simi se baksa  Dharma ma khlaio-o , Dharma no rwksaui naikhe abo borni phai hwnmale nini-ani (borok) aroni se phai-o .

Dharma no kwbangma no Hukumu tei Mukumu bai bo sinijak-o .
Kaitor chwngno Dharma khlaidi hwnwi rwma se kwrwi , Dharma wngkha sakni phan by Kubui kaitor no
naitukmani se , sakni simung by kubui kaitor no naitukmani se klai-o .

Borokrok tangwi Dharma khlaina nagkha ba ?
Sumsok khlaimani bagwi se Dharma khlaina nagsi-o .
Sumsok khlaimani by Kaitor by haa-kwchal wngkha , aboni yagulo bororok kaitor no kwbangma Dharma ni
bisingtwi naituklaina chengsa kha ………

phiya Bible sao –
“ Nohrok ano sai ya , Angse nohrokno sai-o …….. “ (JOHON-15:16)

“ Ano rohornai Apha yak so ya khe khoroksa phano ani thani phawi manya . “ (JOHON-6:44)

“ Aphuru nohork Khristo bai hakchaljak. Nohrok aphuru phatrasa wngwi tongmani , nohrok aphuru Kaitorni chongjak borokrokni bisingo klai ya wngwi tongmani . Kaitor bini borokrokno rwna hwnwi kok rwmano twiwi swami tangma-o nohrokni manthai kwrwi . Nohrok o swngchar-o khatung yaui tongmani , Kaitor kwrwi wngwi tongmani .
Tamo khe nohrok salsa hakchalo tognairok Khristo Jisu bai thansa wngwi tabuk Khristo bai gana tubujak kha . “ (EPIS-2:12,13) ….

Aboni bagwi Khristan  Dharma / Religion ya , phiya Kaitor mwthangna bagwi chongjak borokrok se .

Hambai Kaitor lobjakthung… Amen .