The Purpose of Being Christian - Part-1
Q. Bahaikhe Ang Christian ?
Swngchar o achaima bagwi bebakni slai swkang omono se saui mannani nagra-o .
1. Ang bahai khe Christian ?
Ang tini Christian wngmani omo de ? , Ani Ama-Apha , takhuk-bukhuk ,kami-Amchai eba dopha Christian wngmani bagwi . Kwbangma Sikla rokno nohrok tangwi Christian haiyakhe ba "nohrok tangwi Dharma ( Religion ) khlai" hwnwi swngwi naikhe , kwbangma-no salai-o “ Ang tini Christian wngmani khe Ang ani Ama-Apha song swkangni simino Christian” , tei baksa khe “Ani Takhuk-Bukhuk song se Christian khe ba angbo Christian wngwi paikha ta “ , baksa kubuni Dharma khlainai rok khe salai-o “ Chwngle Chini Chuchu song khlai phaimani , abono se khlai tongjao “ . Haikhe kwbangma salai-o .
Phiya Bible o khe tamo sa ? , Ang Bahaikhe Christian ? Phaidi Khuktanglai anw .
“ Bo chwngno mwthangwi bini borok wngna bagwi ringkha , abo chini samung khlaima bai ya , bo kha chabwi khairokma bai se . O swngchar wngya sini-no bo chwngno Khristo Jisuni bisingtwi omo twi khe khairok kha …..” ( 2 Timothi – 1:9 )
“ Bo chwngno mwthangwi bini borok wngna bagwi ringkha , abo chini samung khlaima bai ya , bo kha chabwi khairokma bai se . O swngchar wngya sini-no bo chwngno Khristo Jisuni bisingtwi omo twi khe khairok kha …..” ( 2 Timothi – 1:9 )
I. Bo Chwngno mwthangwi bini borok wngna bagwi se……. Oro swrai khe sao Ang bahaikhe Christian, Ano mwthangwi bini borok ( bono rwktharnai Christian ) swnam kha , thwiblangni yakni mwthang kha.
II. Abo Chini samung khlaima baiya , bo kha chabwi khairokma bai se…….
Omono sana nai-o , Chini Samung : Chwng Dharma khlaimani , Borokni kaham khlaimani , eba kwbangma samung kaham khlaimarok no samani klaio , tei omo bo sao Chini Ama-Apha song ni bagwi ya , eba Takhuk-bukhuk songni bagwiya , haiya kheba Ani motha , amchai Christian wngmani bagwi ya ,
phiya Kaitor bo kha chabwi Khairokma bai se .
Omono sana nai-o , Chini Samung : Chwng Dharma khlaimani , Borokni kaham khlaimani , eba kwbangma samung kaham khlaimarok no samani klaio , tei omo bo sao Chini Ama-Apha song ni bagwi ya , eba Takhuk-bukhuk songni bagwiya , haiya kheba Ani motha , amchai Christian wngmani bagwi ya ,
phiya Kaitor bo kha chabwi Khairokma bai se .
“ Bebak samungno Kaitor chabma twi tei Kaitor chongma twino khlaijago ;Kaitor bini kha chabma bai Khristo bai thansa wngma bising twi chwngno bini borok wngna hwnwi chongkha , abo yaphang ni simi bo kha chongwi phaima twi no khlaijak kha .”
( Epis – 1:11 )
( Epis – 1:11 )
I. Bebak samungno Kaitor chabma twi tei Kaitor chongma twino khlaijago………
O swngchar Hayung tei Nokhayung-o Kaitor ni kokbai se tognwi tongbai-o , bini kok Chabma ( Decision )
tei Chongma ( choose) , abono Kaitor ani bagwi Kok chabkha tei ano chongkha bini Christian wngnani
bagwi .
O swngchar Hayung tei Nokhayung-o Kaitor ni kokbai se tognwi tongbai-o , bini kok Chabma ( Decision )
tei Chongma ( choose) , abono Kaitor ani bagwi Kok chabkha tei ano chongkha bini Christian wngnani
bagwi .
II. Kaitor bini kha chabma bai Khristo bai thansa wngma bisingtwi chwngno bini borok wngna hwnwi chongkha ……….
kwbangma borokno Kaitor no naituklai thani ang bo khobjago , sana thangkhe Khristo o swngcharo phaiwi Cross sakao thwi rwphaimani omo; chini sumsokno suklai mani bisingtwi Kaitor
bai tei waisa Halok (thansa ) bo-ui manna twi khe .
kwbangma borokno Kaitor no naituklai thani ang bo khobjago , sana thangkhe Khristo o swngcharo phaiwi Cross sakao thwi rwphaimani omo; chini sumsokno suklai mani bisingtwi Kaitor
bai tei waisa Halok (thansa ) bo-ui manna twi khe .
Christian hwnmani wngkha Khristo no rwktharma bisingtwi Kaitor bai Halok tongmani .
“ Ang Christian habkha hwnwi sayaui Khristo se ani khao habkha hwnwi sadi “
by – Rev. Krit Debbarma (Mission India)
by – Rev. Krit Debbarma (Mission India)
Hambai – Kaitor Lobjakthung ………
No comments:
Post a Comment