KAITOR NI HAMJAKMA

KAITOR NI HAMJAKMA

“Tamo khe Kaitor belai maya gwnang, bo chwngno belai khe hamjago” EPIS 2:4

“tamni hwn khe Apha sak baithang norokno hamjago. Norok ano hamjago, phiya ang Kaitorni aroni phai-o hwnwi norok poito khlaima bai se bo norokno hamjago.”
JOHON 16:27

- Kaitor tamoni bagwi ba chwngno Hamjak ?

“Hamjak ya borok bo Kaitorno sini ya, tamni hwn ba Kaitor wng kha hamjakmung.”
1 JOHON 4:8

Kaitor bo Sak se hamjakma ,  

Bo hamjakyaui tongwi manya ,

Bini thani Hamjakma simi se .

aboni bagwi se Chwngno bo Hamjaksugo.

- Bini Hamjakma bwmswk ? Tei bwmotwi ?

“Tamoni hwn ba Subraiyung wng kha kaham; bini pái phlai ya hamjakmung tong phlainai, tei kók narwkma piri-piri-o tong phlai-o.”
LOBMUNG 100:5

“Norok Subraiyungno hambai rw di, tamni hwn ba bo wng kha kaham, bini pái phlai ya hamjakma mol brúmno tong phlainai.”

“Bo simi se uanamasingcha samung khlainaisa, tamni hwn ba bini pái phlai ya hamjakma mol brúmno tong phlai-o;”
LOBMUNG 136:1‭ &  ‬4

Kaitor ni hamjakma ni jora kwrwi

Kaitor ni hamjakmani sima bo kwrwi

Waisa baino hamjago ( molbrum ni bagwi )

Bo chwngno Hamjakma thakya , abo

Molbrum chini langma tongsakno Bo chwngno hamjagwi tongnai.

“Tamo khe Kaitor chwngno bwswk se hamjak abo bo chwngno phunuk kha, tamni hwn khe chwng sumsok gwnang wngwi tong phuru Khristo chini bagwi thwi kha.”
RUM 5:8

Kaitor ni Hamjakma borokni bagwi thwi rwui mano.

Sumsok , Chaya no se teibo Hamjakma rwo.

Bini Hamjakma no Jisu Khristo ni bisingtwi phunuk kha.

- Kaitor ni Hamjakmani yakni chwngno kebo Swkagwi de man ?

“Bo chwngno hamjakmani yakni chwngno mungsa phano swkagwi man ya hwnwi ang khá butharjak: chwng thwi phano, chwng thang phano bo chwngno hamjagwi tongo; suarirok phano mwtairok phano bini yakni chwngno swkagwi man ya; tabukbo man ya, ulobo man ya; nokhani mungsa phano man ya, ha tolanibo mungsa phano man ya chini Subrai Jisu Khristo tẃi Kaitor chwngno hamjakmani yakni chwngno swkagwi mannai bebak sirisiti o mungsa phano kw se kwrwi”
RUM 8:38‭-‬39

Kaitor Hamjakmano sabo kebengwi mannai tong ?

Kaitor ni Hamjakmano bukhuk bai Saui manya.

Soitan belai kena nangjago bini Hamjakma no , phiya mungsa khlai manya…

-Bini Hamjakma ni yakni kebo phano swkagwi mannai o sirisiti o kwrwi kho , hakhe Chwng Kaitor by tongnai Tabukbo chini thani bahai kirima phaina nang ?

- Ang bono hamjakna siya haiphano se Bo ano Hamjak-o , tai ang tamono kirinai ba ?

tai ang bomwtwi Hamjakma naitugui tongkho?

Aw kubuino ang Kaitor no Hamjakna siya 

tongmani phiya….

“Bo chwngno swkang hamjak gra kha ba chwngbo bono hamjago.” 1 JOHON 4:19

Bo ano Hamjakma by se ang bono Hamjakna so-o.

Aboni bagwi Ang bini Hamjakmao tong twtwi tamo wana? Tamo biyal wngnai? Tamono kirinai ?

Sobo le tong ano bini Hamjakma ni yakni swkagwi mannai ?

“O Kaitor ni Hamjakma no bwkha o Chui toninai”

Hambai Kaitor Lobjakthung. Amen!